www.filippopulvirenti.it

Paisi miu

Com'era beddu lu paisi miu
fattu di casi vasci e di pisola;
a genti a sira si minteva fora
a cunvirsari ccu primu ca passava.
Ora ca 'u rificiru tuttu novu
arrivaru a droga e a tangenti;
E nuddu parra cchiù, nun dici nenti.
Si chistu è 'u prugressu amici cari
iù ci rinunciu moltu vulintieri
e 'cu la mimoria mi ni tornu arreri
supra li pisola a cunvirsari.

Salvatore Seminara (Forlì)